بلدنا حزينه مصر امنا

وطهطا حزينة
عقولها .. بيوتها .. ساحاتها ضلام
ولادها عرقهم يخضر فى طينها
يندى جبينها
وهى بخيرها إيديها ضنينة
ما بتجود عليهم
بغير الأنين والشقا والآلام
بتحرم ولادها
وزادها تصبه فى كرش المدينة
وطهطا سفينة
تجدف فى بحر السفن الغريقة
تصارع فى موجه لكن مش جريئة
وخايفة تهوب نواحى الطريق
أملها بإيديها فى خوفها غريق
وراضية بنومها فى صدر الصعيد
كأنه العشيق
سموم الآفاعى تدبل عيدانها
تسمم لسانها .. تنشف ف ريقها
ومدفونة ماسة لها ألف باشا
بيسرق بريقها
غنية وفقيرة
عيونها وسيعة
ولكن ضريرة ما بتشوف طريقها
(اخوكم يحيى يونس)

الله