خمسه طلبات للتفوق نريدها من الدكتور ابو الحسن ابراهيم ابو زيد

موضوعى اليوم 5 طلبات لتجعل الطلاب تتفوق فى الدراسه :-
1- الكتب يا دكتور ناخذها فى غضون شهر او شهر ونصف لان الكتب يا دكتور بتجيلنا اخر شهر ودة بيكون فيه امتحانات اعمال السنه ومبنلحقش نقرأ الكتاب مرة واثنيين ونلخصها عشان نقدر نستعين بيها فى الامتحان .

2-تنبيه بسيط على الدكاترة انهم يذكرونا عقب انتهاء كل محاضرة بعنوان المحاضرة القادمه عشان نحضر للمحاضرة اما من الانترنت او من المكتبه عشان نلم المام شامل بالمحاضرة .

3-امتحانات اعمال السنه تبقى شفويا لان جميع الطلاب مبتبقاش مذاكرة وبتكتب من الكشاكيل والمذاكر بيتساوى بالغير مذاكر .

4- زمن الامتحان وانا عارف ان دة صعب كى نعبر عما ذاكرنا وكى نشرح شرحا دقيقا الساعاتان لا تكفى لذلك فنرجوا من سيادتكم ان تصبح 3 ساعات لان هناك بعض الامتحانات تتطلب فصول باكملها مثلما حدث فى الفصل الدراسى الاول فذلك يتتطلب وقت اضافى .

5-كى نكتب ونوضح نبرز ونفسر ....الخ كراسه الاجابه لا تكفى لذلك فنرجوا بدلا من ان تكون 6صفحات تزيد صفحتان فقط كى تتيح فرصه للطالب المجتهد ان يشرح ويوضح ويعبر عما بداخله وتصبح كراسه الاجابه 8 ورقات فقط .

تلك كانت الطلبات للدكتور الفاضل صاحب الانجازات الطويله الذى يطبق مقوله ( ان العالم يفسح الطريق للرجل الذى يعرف الى اين هو ذاهب.

المشكلة يا محمود مين هيسمع؟؟ احنا حاولنا كذا مرة مع كذا دكتور وتكلمنا على الكتب وعلى الساعتين بتعوت الامتحان اللى مش بتكفى حاجة والرد زى العادة هنشوف الموضوع دة ونبقى نلاقى حل ومين يعيش انا قولت قبل كدة المعهد مش هتعرف تاخد فية حقك بس بردة هنحاول وبدأية الترم ان شاء الله لينا موعد مع الدكتور ابوالحسن

لق بس انا حاسس ان فيه نتيجه قريب واطمنى انا ليا علاقاتى الطيبه بالدكاترة وانا بكلمهم وبيكلمونى وفيه مداعبات بينى وبينهم وانا مش ساكت عشان خاطر الموضوع دة لان بصراحه الدكاترة كانت بتنتقم مننا فى الامتحانات اللى فاتت ديه وبالذات سنه 3 وانا اول مرة دماغى تشت فى الامتحان وايدى تقف من كتر وسرعه الكتابه لان الواحد عندة كتير بس الوقت وكمان دة بياثر على الخط بيطلع زباله

ولغايت ما توصل لنتيجة هتكون اتخرجت بدرى وبعدين الدكاترة عرفين المواضيع دة كويس وبعدين اذا كان هما قبل كدة طلعو قرارات وممضية كمان ونشروها فى المعهد بخصوص الكرنية والاتوبيس وتقريبا الكتب ومتنفذتش لغايت دلوقتى واتضح كان مجرد كلام

وانت عارف ان الطلبات اللى متنفذتش كانت بسبب المظاهرات والمشاكل اللى حصلت فى المعهد يبقى هينفذو على اى اساس دلوقتى

انا معاكى بس الطلبات اللى فاتت مكلفه اما الطلبات ديه فى المتناول ولا انتى مش معايا يعنى كلها قرارات مش مكلفه

وزى ما بيدرسولنا ان الانسان فى سلوكه بيتجنب السلوك المكلف ويلجأ للتعزيز الدائم للفائدة .

انا معاك فى كدة بس الطلبات اللى انت قولتها فى طلبة كتير قالوها خصوصا الوقت بتاع الامتحان والورق اللى مش بيكفى حاجة وهما لو عندهم استعداد انهم ينفذو الطلبات كانو نفذوها السنة اللى فاتت بس مش مشكلة احنا هنتكلم تانى وهنحاول يمكن المرة دية يكون فى نوع من الحوار الجاد من الدكاترة مع الطلبة وينفذو حاجة

بصى هيه الحاجه مبيتجيش مرة واحدة زى مبيقولولنا فيه تمهيد وتخطيط وتنفيذ

ومن رابع المستحيلات انهم كانوا يعملوا حاجه اثناء الامتحانات لكن لما احنا نديهم مهله العمليه مش مستاهله حاجه كل اللى انا قولتوا مفيهوش ادنى صعوبه وانشاء الله فيه جديد .

ان شاء الله ولما نشوف هيعملو اية

يا مسهل انتوا هتروحوا المعهد امتى

والله مش عارفة محدش قرر لغايت دلوقتى بس هو شكلة كدة كمان اسبوعين ربنا يسهل ان شاء الله

يعنى على اول الشهر

تقريبا

بس انا اعتقد على يوم 25 تبدأ الدراسه

هى ممكن تبدأ يوم 25 بس الدراسة اكيد هتنتظم بعدها بأسبوع لما نشوف بقى

ممكن بردوا انا على العموم انا مش بسكن هروح كدة اجس النبض واشوف ايه الاخبار

بس يارب المعهد ميكنش زى بداية السنة اللى فاتت مفيش غير الخزينة بس هى اللى شغالة

لق طبعا لان المفروض ان كان فيه امتحانات وبعدين المرة ديه مفيش قبض

واكيد فى نتيجة؟؟؟؟؟؟؟؟؟؟

مش فاهم قصدك

على النتيجة بتاعة الترم هيعلقوها والا زى السنة اللى فاتت

ليه بس السؤال الجارح دة .

لية بس انت عملت اية فى الامتحانات

دة مش موجه ليا دا لادارة المعهد واعضاء هيئه التدريس انا الحمد لله فوق التمام .

اكيد مدام واثق من نفسك وان شاء الله ربنا هيكرمك واحنا معاك وانا بجد هدعيى عليهم لو مشفتش النتيجة هى مش ناقصة