عمرها حصلتلك دى؟؟؟؟؟

عمرها حصلتلك دي

عارف لما تفتكر حاجه كده

تحس إنها بتشدك لذكريات

أنت مش عارف إيه الذكريات دي

الذكريات دي بتشدك لحاجه كده

أنت مش عارفها

و ممكن تدخلك في شعور كده غريب

حزن مع الم مع فرحه

الشعور ده عارفينه !!!

عارف لما تسمع أغنيه كده أو نشيد أو آيه قرآنيه

تلاقى نفسك تبتسم من غير سبب

بس جواك حزين اوووى و تلاقى شعور بدأ يدخل جواك

أنت مش فاهمه و تحاول تفهم إيه ده

وفى الأخر متفهمش

عارفين الشعور ده؟؟

طيب عارف

لما تروح تقف على البحر كده وتاخد نفس عمييييق

بعديها تلاقى نفسك بتبتسم

بس جواك حاجه مش قادرة تخرج

حاجه يمكن بتقطعك من جوه

و مش عارف تتخلص منها

عارفين الشعور ده

طيب عارفين

لما تبقى لسه صاحي من النوم

اليوم لسه مبدأش اهوه

وتلاقى نفسك على السرير لسه و غصب عنك تنزل دمعه

ممكن تفضل ساعتين تعيط على المخدة

المخدة اللي تعبت مننا كل يوم

كل يوم يتحس بينا قبل ما ننام

و تقوم من على السرير

و محدش يعرف حاجه

عارفين الشعور ده

عارفين لما تكونوا أصحاب متجمعين في يوم كده

و كلكوا مهيسين و بتضحكوا

و اللى يشوفكوا من بعيد لبعيد

يقول الناس دي رايقه وحياتها تمام أوى

و انتوا أصلا بتضحكوا بدل ما تعيطوا

و محدش حاسس بحاجه و محدش فاهم حاجه

لا و إيه محدش هيقدر أصلا

لأنه لا يفهم ولا يحس اللى جواكوا

طيب عارف

لما تحس انك عايز مساعده من اى حد
اى إنسان

اى مخلوق

حاسس انك بتغرق

بتغرق في إيه مش عارف

بس أنت محتاج مساعده

محتاج حد ينجدك و مش عارف هتطلبها من مين

و حتى لو طلبت مساعده

هتتقوله إيه

عايزك تساعدني و خلاص

هيرد و يقولك أساعدك في إيه

تقوله حاسس أنى بغرق

الحقنى

ويقولك بتغرق في إيه

ما أنت واقف قدامى اهو ؟؟ أنت محتاج مساعده ؟؟

بس مساعده في إيه أنت مش عارف

و تفضل تغرق و مش لاقى مساعده

طيب عارف

لما تكون عايز تسمع كلمه معينه من شخص معين

كلمه ممكن تكون كلمه من حرفين بس

مش صعب عليه يقولها

وتلاقيه ولا يتكلم ولا ينطق

تحس انه تمثال

ما تتكلم بقا

طيب ما هو أنا شايفك بتقولها مليون مره

شايفها في عينيك حاسسها أوى

أنتا عايز تسمعها بقى

قوووووول ...... أتكلم

و لما يتكلم

تحس انه يشفق عليك

بتشفق عليا ؟؟؟ !!

لا وكمان ممكن يقولك اصله فيه ناس ليها حق عليا

الناس دي هي مين اصلا

وعمرها ما هتحبك أدي

طيب لما أنت كده

بتحسسنى بيها ليه من الأول أصلا

بتعيشنى في الشعور ده

ليه من الأول..و لو للحظات

لما ده مش حقيقة؟؟

طيب عارف

لما تبقى عايز تسمع صوت حد معين اووى

واحشك أوى

عايز تسمع صوته

تطمن عليه

و تفضل مستني

و مستني..... ومستني

و في الآخر ميتصلش

لا و بعدين التليفون يرن

تقول أخيرا اهو

و ترد بلهفة ألووو

و تسمع صوت حد تانى

ينهاااااااااااااار

مش ده اللى كنت مستنيه

عارفين الشعور ده !!! عارفينه؟؟


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ااااااااااااااااااااه لو حد يعرف بس يقدّر شعورنا