مفاجئه اى خدمه لطلاب الخدمه

يا جماعه فى ناس كتيييير اوى بتبقى محتاجه حجات كتييييير فى الدراسه زى محاضرات وابحاث واوراق عمل ............الخ
فانا قررت اعمل جروب لتلقى الطلبات وكل اللى عاوز اى حاجه فى الدراسه ميتكسفش وانا انشاء الله ربنا يقدرنى واجبهالوا وديه فكرة جديدة وانا عاوز الناس كلها ميبقاش حاجه ناقصاها والناس تذاكر وتجيب تقدير
وانا بادعوا الجميع ان الجروب دة يبقى بتاعنا كلنا وكلوا يعتبروا بتاعه ونتقابل عليه ونعلق واللى معاة موضوع ينشرة عشان انتوا عارفين ان التواصل فى المنتدى صعب انا بالفعل بدات فى الجروب انتوا بقه عليكوا تنشروة للناس

وانا حاسس انوا هيبقى حاجه جامدة وياريت تردوا عليا.

اوكى يامحمود انا معاك واللى فى ايدى هعملو ان شاء الله

ان شاء الله يا شيمو كلنا مع بعض وان شاء الله اللى جاى احسن وربنا يقوى محمود لانة بجد بيتعب وربنا يكرمة ويكرمنا جميعا

يارب ياعاشقة العندليب ويترد له فى الخير
ان شاء الله

ان شاء الله

انا متشكر جدا يا جماعه بس انا هدفى ان كل الناس بجد والله تذاكر وتنجح وتجيب تقدير لان اللى جاى احسن والنجاح لوحدة مبينفعش صاحبه والتقدير بيدى اولويه

عشان الناس فى الاخر مبيبقاش قدامها غير الندم زى مكلنا نادمانيين على ايام الثانوى اللى ضاعت بالاستهتار والتخازل والحمد لله الواحد فاق بس لسه الفرصه فى ادينا .

عندك حق بس هو الانسان كدة دة طبيعتة انة يندم بعد ما الحاجة تروح منة

بس ان شاء الله ربنا يكرم ويبقى اللى جاى احسن

امين يا رب

ايه رايك فى المديرين يبقوا انتى وتيتو وشيكو وانا

فكرة جميلة منك على الرغم انك انت الافضل بس يارت تأخد رأيهم هما كمان

يا ستى ربنا يخليك ومتشكر جدا على كلامك دة بس المشكله ان انا مش لاقيكوا عالفيس

ياعم احنا على طول موجودين خصوص على جروب المعهد

قصدى مش هينفع اضيفكوا لازم انتوا اللى تبعتوا طلب انضمام لان انتوا مش فى اصدقائى والا كنت ضيفتكوا وريحت دماغى بدل ما انا بلف حوالين نفسى وكمان معرفش شيماء فين وتيتو ملهومش اكونت عالفيس وهوة ادانى ايميلوة عالياهو وبردوا مش لاقيه حاجه غريبه

عندك حق

مش كدة بردوا حاجه تحير ولا لق .

اكيد تحير

بس انا الحمد لله عملت اللى عليا وعملت باصلى واول ناس فكرت فيهم كانوا انتوا مع ان فيه ناس كتير طلبت منى اخليهم معايا بس انا شايف انهم ميستاهلوش او ميصلحوش

وانت شايف ان احنا احسن يمكن اللى طلبو منك كدة هما اللى احسن مننا

هيه العمليه مش مستاهله كل دة بس هيه المسأله متعلقه بالقبول او الارتياح نفسيا

كان فيه درس زمان فى العربى بيقول الجار قبل الدار مش كدة والواحد يحب يختار ال team work بتاعوا بنفسوا مش احط واحد يبقى ليه صلاحيات يحط اللى يحطه ويشيل اللى يشيله ولا انتى مش معايا

ومن ناحيه الاحسن فانتوا احسن طبعا

لسة فاكر العربى؟
وعلى العموم كلامك مظبوط وشكرا على توضعك معانا وان شاء الله هنحاول ان احنا نتجمع على الفيس

لق خلى بالك انا كنت شاطر جدل وانا صغير بس هوة التخازل والتهاون والاستسهال بس انا باشكرهم لانهم خلونى اتعرف على ناس زيكوا .

ربنا يخليك وبجد شكرا على ذوقك وبعدين والله مفيش حد بياخد غير نصيبة