ابو وشين

أبو وشين ... سلسلة انماط الشخصات


ايه يا عم أنت أتاخرت عليه كده ليه ؟

معلش اصلى كنت مع فلان الفلانى .

يووووووو الواد فلان الفلانى ده انا مبحبوش خالص عيل بوشين كده

ايية يعنى ايه بوشين ؟ ده بوش واحد انا لسه كنت معاه !

انت فهمتنى غلط انا قصدى يعنى يتكلم معك ومن وراك بطريقةتانية وكده

عاااااااادى جدا انت تعرف ان انا ب 16 وشه هههههه

ايوة انا ب 16 وش عادى ، ايه يا عم متخافش منى هفهمك ؟!!!


علشان اقدر اعيش صح فى الحياة لازم اتعامل مع الناس بطريقة اللى تتحبها وكل واحد وليه اسلوب معين فى التعامل علشان اعرف انجح فى حياتى .


فن الاتصال والنجاح :

يعتبر فن الاتصال من اهم مراكز القوة فى المجتمع والشخص اللى بيعرف يتصل بالاخرين وعنده علاقات كتير هو الشخص الناجح فعلا ، فالاتصال اعظم نجاح فى دراسة بتقول ان الشخص الناجح بترجع نسبةنجاحه 15% من معرفته الفنية بس انما بنسبة 85% نتيحة المهارة فى الهندسة الانسانية --- غير كمان ان الاتصال فى مفتاح الحصول على السعادة لانك اذا سالت اى حد ايه اكتر حاجة ممكن تخليك سعيد بالتاكيد حقولك يبقى ليه علاقات كويسة مع الناس ، علشان كده انا بتعامل مع الناس وكل واحد بطريقتة علشان بحب ابقى سعيد .


ليه بنتعامل بطريقة الناس التانية ومش باسلوبك انت :

قاعدة بسيطة جدا بتقول ( حتى تكون مهما كن مهتما ) علشان تكون انسان مهم عند الناس اهتم بيهم وعاملهم زى ما يحبوا مش زى ما أنت عاوز ، وبالعقل كده ازاى كيف يعطيك اى شخص مفتاح حياتة دون ان يشعر باحتياجك لهذا المفتاح ؟ ، كيف يحكى لك شخص قصة حياتة دون ان يشعر باشتياقك لسماعها ؟،كيف يعطيك اى شخص ابداعاته دون ان يشعر منك واحتياجك ان تراها ؟ علشان كده بتعامل بطريقة الاخرين .



سر ال 16 وش :

انا فى حياتى اتعاملت مع 16 نمط شخصى لكل واحد منهم اسلوب وطريقة وشكل وتعامل تااانى خالص ولكل واحد صفاته الخاصة ممكن يكون متشابيهن فى بعض الصفات والسبب هو اللى هقوله دلوقتى

ربنا خلقنا ب 8 صفات معروفين

( اجتماعى – انطوائى – واقعى – خيالى – عقلانى – عاطفى – مرن – حاسم )

كلنا فينا كل دووووووول مع اختلاف النسب بس الاساسى ان كل واحد بيتكون من 4 اساسين بيشكلوا شخصيته زى مثلا ( انطوائى – واقعى – عاطفى – مرن ) كد بقت شخصية وليها تعامل مختلف مع مثلا ( اجتماعى – خيالى – عاطفى – حاسم ) كده يعنى مع وجود ال 4 صفات التانين طبعا بس بنسبة اقل .


كيف تحلل شخصية اللى قدامك وتعرف تحدد صفاته الاساسية :

يبقى لازم تسال 4 أسئلة مهمين جدا

1- من أين يستمد الانسان طاقتة ونشاطة ؟

يعنى ايه يعنى طاقته بيجبها من عالم داخلى ولا خارجى ، يعنى ايه بردوا :

يعنى هو من الاخر شخص اجتماعى منفتح على العالم

2- كيف يتسقبل الانسان المعلومات من الخارج ؟

من على الانترنت هههههههه

قصدى يعنى عن طريق حواسة الخمس وكده يبقى واقعى وبياخد الرمز s

ولا بيحب الحاسة السادسة وبيحب الخيال وبياخد الرمز n


3- كيف يتخذ الانسان قراراته ؟

عن طريق العقل والمنطق وكده يبقى عقلانى وبياخد الرمز t

ولا عن طريق القلب والعاطفة وبياخد الرمز f


4- كيف ينظم الانسان العالم من حوله؟

عن طريق السيطرة والحسم فى القرارت وبياخد الرمز j

ولا عن طريق المرونه فى التعامل وبيسيب الخيارات مفتوحة وبياخد الرمز p

بجد موضوع جميل جدا ونستفاد منة بجد وانا شايفة انك مهتم بالمواضيع اللى زى دة ودة شئ كويس ان لسة فى ناس زيك بتفكر بالطريقة دة

الواحد زى متقولى فى سرك كدة كبر واللى بيفوت مبيرجعش تانى وفترة الدراسه ديه الواحد لو مبناش فيها شخصيته ونماها يبقى عليه العوض لانه بعد كدة الدنيا هتفرمه وهيبقى عامل زى الطور المربوط فى ساقيه .

ومفيش وقت للتفاهات .

عندكم م حق وبذات فى مجال دراستنا لانه واسع وشامل مجالات كتير

انا بكلم عموما فى شباب كتير مبتبقاش عندها فرصه انها تكمل دراستها ويبقى عبيط اللى يطلع من دراستوا بولا حاجه وهيندم اشد ندم ويقول يا ريت وديه اصعب كلمه من وجهه نظرى

ده الانسان الذكى يعرف يستفاد من كل حاجه فى الحياه

ووالله بابقى زعلان جدا لما بشوف طلبه جايه من بلاد بعيدة وواخدة سكن ومتعرفش اهاليها عملت ايه عشان تعلمها وهومه للاسف ولا الهوا وييجوا المعهد وميحضروش قال ايه بيصدعوا يا سلام اصل الدكتور دة خنيق ياة دة بيخلينا نكتب كتيييير وانا اديا بتوجعنى

واللى جاى ولا معاة كشكول ولا ورقه ولا قلم واللى حتى لو حضر يشغل الموبايل ويفتح البلوتوث وهوة فى وادى والدكتور فى وادى

وانا والله بعمل ما فى وسعى عشان اساعد الطلبه لدرجه ان انا بصورلهم المحاضرات بنفسى وبسيبها فى مكتبات ومستعد اعمل اكتر من كدة بس اللى يذاكر عشان انا نفسى الناس كلها تذاكر وتجيب تقدير عشان النجاح لوحدة مش كفايه والتقدير بيدى اولويه بس اللى يفهم

الشباب اللى زى دة لو عاوز يتغير هيتغير بس اللى فى المعهد انا شايفة انهم معندهمش عقل خالص وبيفكرو فى حاجات اقل من انها تافه علشان كدة مش هيسمعولك دة ساعات والله فى اولاد بتفرح انها طلعة بمادة او اتنين المهم طلعة سنة جديدة

بس على فكرة فيه اللى ىبيبقى مش لاقى اللى يرشدة عشان يتغير ودول انا من تعاملى معهم كتييييييييير

ربنا يديك على اد اللى انت بتعملة ويجعلة فى ميزان حسناتك بأذن الله

ياريت كلنا نعمل كدة عشان لو الكويسين مدوا اديهم للغير مش هيبقى فيه وحشين

عندك حق وان شاء الله ربنا معاك ومعانا

ايوة كدة هوة دة اللى انا كنت عاوز اسمعوا منك

اديك سمعتوا

وان شاء الله هيحقق

ان شاء الله