حكايتنا

قصتنا دي تتغنى؟؟
ولا تتحكي فــ جنه؟
لو طال الزمن بيننا
عمرها تاني ما تتكرر

خوف بيحضن خوف
وظروف بتقابل ظروف
محدش شاف ولا هيشوف
ولا حد عمره هيتصور


وادي الزمان بيفوت علينا....والكل مستغرب علينا
ازاي كده احنا مكملين...متمسكين ببعضينا


وادي السنين مش سايبانا....هتموت ويموت هوانا
حاجه اقوى من التحدي....اتولد فينا وجوانا


رغم الدموع اللي سالت....رغم الاحزان اللي طالت
برضه لسه فــ حضن بعض...مهما الدنيا علينا قالت


يوم ما حبيت كنت ناوي....حكايتنا تتألف غناوي
وادينا من غير ما نحس....بقينا ابطال الحكاوي


ارتاحي يا قمري على كتفي....من تعب الدنيا دي كلهاااااا
يلا نامي جوه قلبي....وانسي الدنيا دي كلهااااااا


الله يسامحها الدنيا بقى....تنزل دموع من ارق عيون
والله ما هسيبك اناااا....هتحدى بــ حبك كل الكون