النهاردة!!!!!!!!!!!!

النهاردة لما شفتك
كنتي أجمل ما خلق ربي من بنات
النهاردة لما شفتك
قلبي نادى الذكريات
كان خلاص الحب مات
بس شفتك
واترمى قلبي في حضنك
والعيون قابلت عيونك
والتقت إيدي بإديكي
والحنين سبِّل عيونه
واشتكى القلبين لبعض
وانتهى كل اللي فات
انتهى كل الأسى
واتمحت كل الآهات
واستجد الحب تاني
أصله حبي الأولاني
والأخير
يااااااااااااااااه...
النهاردة ... إنتي أجمل من زمان
أجمل كتير
لما شفتك
كان جمالك شئ خطير
النهاردة شفت فيكي الحب كلمة
شفت فيكي الحب بسمة
شفت فيكي الحب لمسة
من إديكي المليانين رقة وحنان
شفت فيكي الحب همسة
شفت فيكي الحب دمعة
من عيون حبوا زمان
بس رجعوا مجروحين
شفت فيكي الحب رحلة
للأماني ما تنتهيش
النهاردة ... كني حاجة ما تتحكيش
كنتي كتلة من المشاعر دايبة جوة الذكريات
النهاردة ... نفسي أفضل
جوة حضنك للممات
جوة حضنك للممات