قصة حياتى

من هنا بدأ الطريق

رحلتي من ميلادي للممات

عشت عمري طفل ساكن في الخيال

كل شيء حواليا طبيعي مفيش محال

طفل عادي





شاب هادي

كل أحلامي شايلها جوه علبة ذكريات

زي كل الشباب في سني

ببتسم لليالي تبتسملي

ولما كان الحزن يجي والدنيا تخاصمني

برضه اضحك




كانت الضحكه تلازمني

كنت مؤمن بالقدر والنصيب

وكل شيء برضه هيجي مهما يغيب

كنت عارف إن يوم فرجي قريب

كنت بحلم القي الحبيبه

واكون لها برضه الحبيب

حلم شرعي عايش في قلبي وضميري

إني اتجوز وانجح في حياتي

http://im26.gulfup.com/2012-05-03/133604991623.jpg


وتجيبلي زوجتي في يوم صغيري

مرت سنين العمر والحقيقه غير الخيال

واللي كان حلم في يوم بقي شيء محال

النهارده رن الجرس والأنصراف

انتهت قصة حياتي وجت ساعة الأعتراف





خدني منها الموت لرحله تانيه

كل شيء فات من عمري بتحاسب عليه

وكل ثانيه

احتواني القبر ونزلت تحت التراب

كل شيء حواليا مظلم وحاسس بأغتراب

النهارده بدايه جديده ومعاها الحساب

فيها وحدي وكل ما انده عل الحبايب

ما الاقي جواب

انتهت رحلة حياتي من ساعات

وانكسر صندوق خيال الذكريات

وانتهي العمر اللي فات

وانتهت كل حياتي النهارده بالممات