نفسى اصدق

يابا تصدق-------------نفسىاصدق انى مصدق
تصدق ان البلدلها نائب والحكومة اتغيرت تصدق
تصدق ان الوشوش اتغيرت وان الشعب ما صدق
تطلع ثورة ولا انتفاضة وفى ميدان التحرير تترستأ
ووعود وعهود----------يابا نفسى اصدق
طول عمرك يابا تقولى – يابنى امشى جنب الحيط
دا اللى عيلى عيلى واحنا متعلقين فى الخيط
يا با بقولك الريس مشى والعسكر مسك — متصدق
دى ثورة وشهدا وخيول وجمال نار والعة فى كل مكان وبلطجة
آه يابا آه ده اللى حصل فى مصر ما يتصدق
قام ابويا قالى—خير اللهم اجعله خير
نفسى اصدق والحلم يتحقق
دا كلام عامى مش خالى لا – دا كلام مش رخيص لا غالى
كتبته غالية بنت غالى عايشه معانا فى بيتنا- وبيتنا ده عالى
واللى يفكر يحسدنا يبقى علينا باغى وندعى عليه ونقوله
ربنا يغدك وعيلتك عليك تلالى
واللى يفرح بكلامنا ويهنينا بسلامنا--- نقوله انت علينا غالى
وان كنت صحيح بتفهم--- وان كنت انا اشك – اقولك واريح بالى
اللى كتب الكلام ده --- مراتى مش عيالى
يابنى بقولك كلام ---- - والكلام منى غالى
اسمع لما اقولك حسنى خلاص مشى والامر بقى عادى
الكلام الحلو يطلع من كل انسان عادى
اصل الناس كان لسانها مربوط وانطلق تانى
وطبعا ده شىء مش عادى
اسمع منى هقولك --- انا مش عدوية –ولا هغنى عليك غنية
انا بقولك كلام يمكن من سنك تحسبه كبير عليك
لكن ما تألأش
بكرة لما تكبر هتعرف انى بخاف عليك
نصيحة وخدها منى
بكرة تيجى معايا وامك مش هتخاف عليك
انت برده معايا------ وانا اخلى بالى عليك
وسلم على ام محمد وقلها –مبروك يا حاجة
والسنة ايجاية تيجى علينا حاجة
ونبارك فى عودتك –وناخد هديتك
وتفرحنا رجعتك من بعد طلعتك
وراح اللى راح
والايام اللى جاية هنبنى مصرنا
بلدنا الغالية علينا نفديها بدمنا
ويطلع لينا رئيس احنا اللى نختاره
ولو ما يسمع كلامنا – ويعلى كمان مقامنا ويفهم الحكاية
وان الولاد ولادنا – قاعدينله بالمرصاد
ولو اتعوج شوية—ونسى بتوع زمان
هيقعدوله فى الشارع ويرفعوا الاعلام
والهتاف هيكبر ويسقط النظام
وتبقى الحكايا ياله مش حلوة ولا تمام
وانسى بقى يا برادعى—انت مش مناسب
عمر موسى جايز—الراجل ده مناسب
دا دبلوماسى محنك ونحسبه انه فاهم
اصل الحكاية بلدى عاوزة راجل يناسب
ما بين جوة وبرة ويحسبها مرة
ما يفكرش انه يجرب فينا تجارب
شبعنا خلاص مناهدة من الفكر والتجارب
والامن يعمل حسابه!
لاعسكرى يقولك يا واد هنا تعالى
ولا ضابط همام يفهم انه سايد! لآ
لا يعمل حسابه يقول سيادتك وحضرتك--
ومش مهم قهوتك
ويقف عند حده
انا برده ممكن اكون ابنه—اوابوه وممكن ابقى جده
يحترمنى احترمه
له قانون يطبقه -- وانا برده اساعده
ونفهم نحب بعضنا – وينسى اللى كان سايده
لاحبيب ولا عادلى – دلوقتى ينفعه ويساعده
دا ربك هو ربنا ----واحنا عبيد عنده
قادر يخلى مصرنا آمنه زى ما قالنا
لكن نرجع لديننا هو اللى يحكم لينا
هتلاقى الدنيا جنة من جنة ربنا