هتمشى خلاص

هتمشي خلاص وتنساني ومش راجعة هنا تاني وسايباني لوحدي يا ناس أداوي جرح أحزاني

وبسأل نفسي انا وبقول لقلمي وكل أوراقي

ياترى زعلانة علشاني ؟؟؟؟

ولا ما صدقت تمشي ؟؟؟؟

أنا زعلان

أنا زعلان ولو مش باقية أنا باقي ولسة في قلبي إخلاصي وأشواقي

هتبعد عني مش معقول ماعشت سنين أنا ساقي

غرامي وشوقي وحناني

وهي اللي ما شربتشي !!!!

هتمشي خلاص

هتمشي خلاص ورايحة تعيش حياة تانية وواخده معاها أحلامي وسايبالي باقي الدنيا

تفيدني بإيه ؟؟

تفيدني بإيه باقي الدنيا وهي بعيدة مش جمبي هعد جراحي بالثانية وهتحمل عقاب ذنبي

أنا ذنبي إن أنا حبيت وقـلتلها ما خبتشي

وياما عشانها انا ضحيت أكيد فاكره مانسيتشي



أمانة عليكوا لو شوفتوها تقولولها هتمشي ليه وسايباني ؟؟؟؟

ولو زعلانة صالحوها وغنولها بحبك وأنتي وحشاني



وبطلب منكوا تقولولها بلاش تقسى وتنساني

كفاية هتمشي وتسيبني في وسط جراحي وحداني



أمانة يا ناس تخلوها تخلي بالها من قلبي

ولو زهقانة سلوها وياريت تحكولها عن حبي

هتمش خلاص

هتمشي خلاص وصورتها هتفضل جوا ف عينيا

لكن زعلان عشان صوتها هيبقى في قلبي أمنية

سلامي ليها من قلبي ومن عيني ومن روحي

بوصيها ياريت تدعي يعيني ربي ع جروحي

أنا عارف هتوحشني وقلبي هيبقى ليها أسير

وفي بعادها هتجرحني وجرح البعد جرح خطير

وخايف يوم تعطشني لحب بيروي قلبي سنين

سعيتها ياناس هتدبحني وهبقى باقي عمري حزين

لكن رب القلوب واحد خلقها وهورب كبير

أكيد خلانا نتباعد عشان في البعد شايف خير

أنا مش قادر أتصور إني هلاقي غيرها كتير

هاخد قلبي وأروح أدور لحد ما ألاقي قلب كبير



هتمشي خلاص وهتسيبني وهبقى ف ليلي وحداني

وقلبي ياناس هيتعبني هيفضل يقولي وحشاني



وعايز أشوفها لو ثانية أمانة عليك تجيبهالي

أنا زعلان عشان مشيت وعالم ربك بحالي



بطمن قلبي وبقوله ماتزعلشي ودا نصيبك

ولو جواها بتحبك لا يمكن تقسى وتسيبك



أكيد راجعة وهتشوفها وتسمع صوتها من تاني

ولومشغولة بظروفها أكيد فاكراك وفكراني



كفاية عشت في الوحدة ونار الوحدة حراقة

ياقلبي اصطبر وأهدى مسير الحي يتلاقى