طظ فيكى يا دنيا

فتحت عينى زهقت منك يا نوم

شفت دنيا غريبة والكلام مكتوم

احترت انا فى الحكاية

اتارينى ميت واللقب مرحوم

حبيبتى يا حبيبتى دايما بتبعدى

اقرب مهما اقرب برضو بتبعدى

هيا النهاية خلاص كــــــده

ولا بس من حبــــى بتتأكـدى

فى كل البحور درت و لفيــــــــت

فى كل بحر نار قايدة لقيــــــــت

ساعتهـــا بس عرفـــــت ازاى

اكون وحدى وسط الاهل والبيت

انسان يموت يتولد مليون وليد

هيا الدنيا كده ساعات بالعكس بالتقليد

مبقتش عارف انــــــــــــــــا

الدنيا هى اللى غبية ولا انا اللى بليد

على قد ما الدنيا دى كبيرة

لكنها صغيـــــــــرة

ايا منا فيها كتيرة

وأعمــارنا قصيرة

الله يلعن أبوك يا هم

لا فرح بتخلى ولا عندك دم

تعبت قلبى تعبت عينى

انت وابنك اللى اسمه الغم

انا البحر وانتى البر بينا مليون صدام

أجى عليكى تستحملى منى الالام

دقتى منى النحر والافتـــــــرا

وما شفت منك غير امان وسلام

دنــيـــــــــا شكل الكاريكاتير

الحزن فيها شــىء خطيـــــر

والضحك متمكن وعــالــــى

بس انا كداب كبيــــــــــــــر

السؤال نفس السؤال بس مش نفس الاجابة

هى ليه الدنيا مرة حلوة ومرة غابــــــــــة

قبل ما تفكر تجاوب يلا قولى

انت من صنف الملايكة ولا من الناس الديابة

يا ابويا وحشتنى حتى تجاعيدك

ولا ألف مليون راجل يقدر يعيدك

ولا حد فيه حتى حنانك

محتاج تعود بس ابوس ايدك

يوم ما تقوم القيامة

لا حينفعكم عيال ولا فلوس ياما

هو بس عملكم

ورحمة ربنا سايعانا

غريب عايش فى دنيــا غريبة

ماشى بادور فين رحتى ياطيبة

لا ولاد الحلال دلــــونى

ولا حد يعرف وهى دى المصيبة

لما الصحاب مبقوش صحـــاب

واتمددت سنين الفرح فى حضن العذاب

واتبدل الحال مكان الحال

اتمنيت بس ياربى اكون تراب

صاحبت بدل الواحد عشرة

متمرش فى ولا واحد عشرة

مبقتش عارف اعمل ايه

قلت الحل اصاحب حشرة

ساعات الحزن يبقى دوا مع انه داء

تفوق من وهم متدارى فى حضن غباء

تخاوى الدمع فى ليالى

تبص تلاقى قلبك فاق

عيش الحياة ولا يهمك

مين ده اللى يحرقلك دمك

واذا كنت ناوى عالشر فعلا

من بعدها حيشيل همك

يللى بعتوا للناس الاوهام

بعتوا ليه وازاى وبكام

وفى النهاية كسبتوا ايه

خسارتكوا جاية مع الايام

يا ابو البحور يا جميل

علمتنا نعشق نميل

لكن منين الحب ده

والقلب طبعه عليل

تأليف : علاء النجعاوى