الهروب من الحب

حتى لو كنتى

في الجمال آيه

حتى لو بموت

وانتى دوايا

خلاص اللى بينا انتهى

ودى النهايه


كفايه الم كفايه


انتى فكرتك عن الحب

انه زى الروايه

حصان ابيض

وفارس يخطفك

ودى النهايه

الحب ايثار وتضحيه

ودى البدايه


كفايه غلط كفايه


الحب زى النبته

عيزله عنايه

وعلشان يعيش يلزمه

كل يوم سقايه

وضرورى من اساس

وطوبة فوق طوبة

يبقى بنايه


كفايه عذاب كفايه


الحب عمره مكان كده

انتى عملاه هوايه

اهم حاجة عندك لبسك

وزينتك و المرايه

وعلشان تذلينى عمله من

الحب وسيلة وغايه

ولو يوم اتكلمت تعمليلى

من الكلمة حكايه


كفايه ذل كفايه


حبنا كان غلطه

من البدايه

خلاص انا استسلمت

ورفعتلك الرايه


كفايه حب كفايه