معا للتغير

الى شباب 25 يناير شارك او لم يشارك فكلنا معا للتغير يد واحدة الى اخوتى واخواتى الى شبابنا العظيم نريد ان نكون واحد ضد الحياة القاسية والذل زى مقدرنا نغير الفساد الاكبر كمان نبعد اى فساد كبيرا كان او صغير لا لالافقر لاللحرمان لا للذل لاللهوان لالعذاب سنين مضدت من عمرنا دون النطق بكلمة من حرفين (ارفع راسك يا اخى قد مضى عهد الاستعباد )فكفى اذا نريد حقوقنا كاملة دون نقص فى اى منها فكل واحد منا يرى الفساد ويريد حقة لابد ان ياخذة دون خوف قول الحق حتى لو على رقبتك زمان كنا نقول كلام دلوقت نقول معنى يعنى متخفش اوعى تخاف ربنا كرمنا وخلاك بنى ادم اوعى تتاطى ولا حتى تخاف من اى حداى كان ربنا معاك هو خلقك وهو قادر يحميك وبلاش تظلم حد احكم انت بعنيك وشوف بنفسك وبعدين احكم انت متسمعش لحد ويشلك ذنب لما تقابل وجة كريم متعرفش تقول اية (سمعت) طب تشيل ذنب غيرك هو انت ناقص ذنوب يلا يا اخوانى نضع ايدنا معا للتغير علشان كلنا نبقى مرتاحين وباللة عليكم اقراو الفاتحة لاخوتنا الشهداء الى ضحوا علشان احنا نعيش وبلاش نضيع بداية ناس ضحت بعمرها ونقل النهاية لا لاذم بجد نغير ونكمل للنهاية ونضحى احنا كمان ومنستناش انا شفت الموت بعينى مرة كنت فاكرة انى هخاف لكن مخفتش وعمرى مها اخاف ربنا معايا يبقى هخاف من مين تعا لوا نضع ايدينا معا ونغير حياتنا ونقول (معا للغيييييييييييييير )

ان شاء الله ياشرى كلنا هنقول كدة لان الى شفناه بجد يخلينا نعمل كدة وكفاية ان فى ناس ضحت من اجل مصر ومن اجلنا احنا كمان وان شاء الله احنا كمان يكون لينا دور فى التطور الى بيحصل وان شاء الله يكون للاحسن واكيد لازم حاجات كتير تتغير وللهم اكرمنا جميعا كرم الشهداء

سبحانة الله عليك يا شيري بالامس كنتى مستموته على جابر عوض وتطالبي باستمرار عميدا واليوم تدعي للتغيير وتترحمى على الشهداء ايه التناقد دى
طيب التغيير المفروض يشمل جميع رموز الفساد ومنها العميد المحترام الذي فتح المعهد لعائلة وعائلة زوجته باسوان وقنا وقمتى بمهاجمة المطالب المشروعة التى تقدمه بها الموظفين والعامل والاساتذة باسوان والتى ذكرت في اكثر من جريدة رسمية وقلتى على اهبل وعبيط علشان قولت الحق
العميد الذي استولى على ارباح الكتب باسوان وعلى ارض الدولة وغيرها من الامور التى يعاقب عليها القانون ولكنه استخدام مجموعة من المحامين وضعوا كل ما قام به في صورة قانونية للتحايل على القانون............. الخ ودى ليس سمع لكنى شوفته بعينى في معهد اسوان

يا استاذالمفروض حضرتك قبل ما تتهم حد تكون متاكد اولا انا عمرى ما هدافع عن حد من رموذ الفساد ولو كان على رقبتى اما الرجل المحترم الى حضرتك ادعيت علية بالكدب بسبب شى شخصى فى نفسك ميصحش انك تجيب مصيبة لة بالكدب لو هو رجل ظالم مكنش ثبت العمال الغلابة ومكنش ذود المرتبات للموظفين ومكنوش معهد قنا عمل كل المظاهرات علشان يكون معاهم ومكنش معهد اسوان لسة العميد فية دلوقت كل دة بسبب ان الدكتور جابر مفيش على لسانة غير يارب ارضى عنى كل الى يهمة رضى ربنا علية وبس يعنى لا بيستخدم سلطاتة ولا عندوا استعداد يجرى على الدنيا انت ادعيت بالكدب علية ومع ذلك مقاش حاجة وبرضوا قادر يرد عليك شوفت قد اية انة راجل عظيم وفاضل ياريت كل الناس دكتور جابر عوض

كل الى اقدر اقولة عن الى بيحصل من دكاترة اسوان ان دى مش اخلاق دكاترة لانهم للاسف كل الى يهمهم الماديات والدنيا والى عايز الدنيا اهى قداموا حرام انك تقول على شخص كلام وانت ملقن او لك فى نفسك شىء رخيص متبعش اخرتك بدنيتك صدقنى ثواب االاخرة اعظم واكرم

على فكرة انا لما بقول شفت الموت بعينى انا فعلا شفتة وقد اية الثورة دى اكدتلى اننا منخفش من اى نفوذ ولا قوة ونعمل حساب اللة فقد لا غير ولا نعمل حساب لمال ولا سلطة ولا اى حد غير اللة سبحانة وتعالى لان الى عايزة ربنا بس هيكون وانا لما بدافع بدافع عن اب كل الى يهمة رضى ربنا علية ورجل صاحب رسالة دى الرسول (علية الصلاة والسلام *صلى اللة علية وسلم *)قال ان مداد العلماء يذن بدماء الشهداء ) يبقى عايزنى مدفعش عنة اتقى اللة وقول كلمة حق

يا اخت شيرى جزاكى الله كل خير على كلامك . وان شاء الله ربنا يكرمنا ونقدر نغير المعهد بتاعنا للاحسن حال ان شاء الله . وانا معاكى ان شاء اللهخ نبدا بلتغير سويا ان شاء الله او الترم الثانى.

ان شاء الله ياجماعة حينما نبدا بالتغير يبق نغير الاقرب لينا وهو المعهد لان المعهد بجد فى حاجات كتير عاوزه تتغير

ان شاء الله ياريهام هنغيرو ويبقى احسن معهد خدمة اجتماعية فى مصر

يارب يا اسلام واحنا نتمنى كدة

ان شاء الله ربنا يوفقنا شكرا ليكى ولكل الناس للاهتمام بالموضوع والتغير .

اية رايكم لو عملنا اسرة لينا وجمعنا عدد من الطلبة وكثفنا جهدنا شوية وغيرنا معهدنا بجد واسم اسرتنا (معا للتغير )ونعمل ندوات وكل ما يخص الاسرة وشركتنا يا اسلام بكتباتك ومقالتك الجميلة وتكون انت رئيس الاسرة اية ريكم يا جماعه وانا انشااللة نجتمع بعد اسبوعين من النهاردة ولو عايزين تتدخلوا كلكم للعميد انا اخلصلكم الموضوع دة لو عجبتكم الفكرة بتاعت الاسرة انا معاكم

قكرة جميلة جدا جزاكى الله كل خير ياشيرى وان شاء الله انا موافق ومعاكى .يواد انتا ياواصل اخلصلكم الموضوع ههههههه.واكيه ان شاء الله رب العالمين الناس توافق ونجتهد فى التغير بازن الله كلنا.شكرا ليكى جدا

ان شاء الله ربنا يكرمنا فى الجريدة والاسرة عشان نبقى عاملنا حاجة كويسة لمعهدنا قبل ما نمشى.

يا اسلام رعبتنى بالصورة دى غيرها ويا ريت تظبط الموضوعات الى هنكتبها فى الجريدة عايزين احلى واجمد الكتابات علشان تكون اسرتنا احسن اسرة فى المعهد وحضرلنا اساسيات الاسرة ابدا من دلوقت مفيش وقت علشان خلاص كلها اسبوعين ولاحظ انت رئيس الاسرة يعنى مسءول عن كل حاجة شوف اية مطلوب واحنا معاك انشاللة انا اسة اننا هنعمل حاجة جميلة

اوعى تنسى تغير الصورة

على فكرة افكاركم جميلة جدا واحنا ان شاء الله هنكون مع بعض ونغير فى المعهد بجد وزى اسلام مقال عوزين نسيب ذكرة لينا فى المعهد بس احنا لوحدنا منقدرش نعمل حاجة الموضوع كلة فى ايد الدكاترة وانا شايفة انة مش هينفع فى بدايت الترم دة لان مش هيكون فى وقت وكمان لم يتعرض الموضوع على الدكاترة هياخدة وقت علشان يرده علينا

ان شاء الله رب العالمين ياشيرى وبازن الله نبقى كلنا مسؤلين وبازن الله تعالى انا فعلا بدات فى شوية افكار كدا بازن الله هنعرضها فى اول لقاء لينا ان شاء الله.ان شاء الله يا ريهام احنا بازن الله هنعمل كل حاجة ومش هنضيع وقت متقلقيش خليها على ربنا وان شاء الله هنيدا اول الترم . سيبكم من الكلام المهم ده شوية وخلينا فى الكلام الفاضى الى هو الصورة بتاعتى عامله شغل جامد ها . بس انا هغيرها عشان اختى شيرى متزعلش ومتحلمش باحلام وحشة بليل.هههههههههه

يارب يا اسلام وياشرى نعمل كل الى احنا عوزينة ونغير بجد من المعهد شوية ويارب الدكاترة تفهم دة وتوافق على موضوع الجريدة وموضوع الاسرة لان بجد لو دة اتحقق فى حاجات كتير هتتغير وربنا معانا ان شاء اللة بس قولة يارب

بالعكس الصورة جميلة جدا شكلك بتحب افلام الرعب

واللة يا اسلام شكلى مش هكمل معاكم هكون مت من الصور الجامدة دى انا من امبارح اى حد ينادى عليا ويكلمنى اتخض لما قعدوا يقلولى اسلام ظبط الدنيا ارحمنى يا اسلام

متقلقيش يا ريهام انشاللة كل حاجة هتم ذى محنا عايزين طول ماايدنا واحدة هنعمل الى عايزينوا

ان شاء الله ربنا يارب يديم المحبة بنا وان شاء الله زى ما قولتى ياشيرى طول ما احنا ايد واحدة ربنا معانا ان شاء الله ويسهلهلنا يااااااااااااارب. اما بالنسبة لافلام الرعب بحب بس مش قوى يعنى وهى دى الصور الى عندى ياشيرى اعمل ايه ابعتيلى صور اضفها بقى.ياريهام حطى صورة حلوة عشان يبقى فيه توازن .معلش بقى يا اختى شيرى استحملى اخوكى لحد ما اموت بس.شكرا ليكم وانا سعيد باحسن واجمل اخوات فى الدنيا ربنا يخليكم يااااااااارب

برفوا شيري قدرتي تضحكى عليهم وان شاء الله كل اللى شتم فى المعهد والعميد طبعا هينزل السنة دى هههههههههههههههههههههههههههههههههههه وابقى قبلنى يا اسلام

هو فعلا كان فيه حاجة مش مفهوما عشان شيرى كانت بتقول على اى موضوع يخص العميد انا هخلصهلكم. ربنا يسهل . وارد نواجه حاجات زى دى الله المستعان.